Kiko, Inihanay si Ninoy kay Rizal at Bonifacio! Inudyukan ang Bayan na Labanan ang Panggigipit!

Ngayong araw na ito, ika-9 ng Abril, muli nating ginugunita ang kagitingan ating mga ninuno at kapwa-Pilipino, pati na rin ng mga sundalong Amerikanong nagbuwis ng buhay upang ipagtanggol ang bayan noong World War II. Ang pag-alaala sa pagbagsak ng Bataan noong April 9, 1942 ay bahagi na ng kasaysayan na taun-taon nating babalikan, upang ipagdiwang ang kabayanihan nila sa ikatatamo ng kalayaang taglay natin sa kasalukuyan.

Kasabay ng pagdiriwang nito, isang mensahe ang ipinaaabot ni Senator Kiko Pangilinan sa publiko. Sa kanyang post na iniulat ng News5, ganito ang kanyang sinabi:

"Hindi lang si Rizal o si Bonifacio o Ninoy Aquino ang magiting. Bawat Pilipinong nag-aalay ng dugo, luha at pawis, lakas, saya at buwis, magiting. Lahat ng Pilipinong lumalaban sa paniniil at para ituwid ang mali, magiting".

"Humugot tayo ng lakas at tibay ng loob mula sa ating mga ninunong nag-alay ng buhay para sa kalayaang natatamasa natin ngayon".

"Tandaan: Ang Pilipinas ay duyan ng magiting".

Umani naman ng iba't ibang reaksiyon sa social media ang post na ito ng Senador. May ilang sumasang-ayon, at may ilan ding bumabatikos. Ayon sa ilang commenters, hindi raw nila nagustuhan ang paghahanay ni Pangilinan sa pangalan ni Ninoy sa mga bayaning tulad nina Rizal at Bonifacio.

Pinansin din ng ilang netizens ang naging linya ni Pangilinan ukol sa aniya'y "paniniil". Sabi ng isang commenter, hindi umano matatawag na "paniniil" ang pagpapatalsik ng mga corrupt na kawani ng Gobyerno, gayundin ang pagsugpo sa problema sa droga. Dagdag nito, nananatili pa rin tayong nasa demokrasya.

Ito po ang mga reaksyon ng mga tao sa mga pinagsasabi ni Kiko.

Ano'ng masasabi niyo rito mga kababayan?

Source: News5

Previous
Next Post »